मोहोळ – यंदाच्या वर्षी पाऊस कमी पडल्याने त्याचा फटका ऑक्टोबर महिन्यातच बसला असून मोहोळ तालुक्यातील विहिरींच्या पाण्याने तळ गाठला आहे, तर बोअरची ही पाणी पातळी कमी झाली आहे. त्यामुळे तालुक्यातील गावात १२ टँकरद्वारे पाणी पुरवठा सुरू आहे. दरम्यान शुक्रवारी सारोळे (ता.मोहोळ) चा टँकर प्रस्ताव दाखल झाल्याची माहिती तहसीलदार सचिन मुळीक यांनी दिली.
यंदाच्या वर्षी पूर्ण पावसाळा कोरडा गेला. त्यामुळे भूगर्भातील पाणी पातळी मोठ्या प्रमाणात खालावली आहे. कॅनॉल परिसरातील भाग वगळता त विहिरी व बोअर कोरडे पडले आहेत. ज्या विहिरी व बोअरला पाणी आहे त्या शेवटच्या घटका मोजत आहेत.
तालुक्यात शेती बरोबरच दुग्ध व्यवसाय मोठ्या प्रमाणात केला जातो. एका एका शेतकऱ्याकडे किमान १० दुभत्या गाई आहेत, त्यातही जर्शी गाईचे प्रमाण अधिक असून त् त्यांनाही मोठ्या प्रमाणात पिण्याचे पाणी लागते. तालुक्यातील अनगर, चिखली, पोखरापूर, शेटफळ, सिद्धेवाडी, मसले चौधरी व खुनेश्वर या गावात टँकरने पाणी पुरवठा सुरू आहे. उन्हाची तीव्रता जसजशी वाढेल तसतशी टँकरची मागणी येत आहे, मंजुरी साठी प्रस्ताव दाखल होत आहेत.
——-गाव निहाय टँकरची संख्या पुढील प्रमाणे—-
चिखली-१
पोखरापूर-१
सिद्धेवाडी-१
मसले चौधरी- २ खुनेश्वर- २
अनगर-३
