निरा उजवा कॅनाॅलवरील ब्रिटीशकालीन एस्केप तब्बल 16 वर्षांनंतर उघडला चार गावातील शेतकऱ्यांना पाण्याचा फायदा

पिलीव – माळशिरस तालुक्यातील पिलीव येथील चौकीनजीक एस्केप आहे .या एस्केपमधुन पावसाळ्यात तसेच गरज असेल तेव्हा उन्हाळ्यात ओढयाला पाणी सोडले जात होते .माञ हा एस्केप तब्बल 15 ते 16 वर्षांपासुन बंदच होता .याचा फायदा झिंजेवस्ती, कुसमोड, मळोली, शेंडेचिच  या चार गावातील ओढयावरील बंधारे भरण्यासाठी होतो .यंदा भिषण दुष्काळी परिस्थिती आहे .गेल्या तिन महिन्यापासून पावसाळ्यात पाऊसच पडला नाही .यामुळे शेतकऱ्यांची एस्केप मधुन पाणी सोडण्याची मागणी होती .यासाठी पिलीव जिल्ह्य परिषद गटाचे सदस्य चंद्रकांत जाधव व पिलीव पंचायत समीती गणाचे सदस्य शिवराज पुकळे यांनी याबाबत सोलापूर जिल्ह्याचे पालकमंञी जयकुमार गोरे, माळशिरस तालुक्याचे माजी आमदार रामभाऊ सातपुते, माढा लोकसभा मतदारसंघाचे माजी खासदार.रणजितसिंह नाईक निंबाळकर यांच्याकडे सातत्याने याबाबत पाठपुरावा केला .माळशिरस तालुक्याचे माजी आमदार रामभाऊ सातपुते यांनी याबाबत संबंधित खात्याचे मंञी राधाकृष्ण विखे पाटील यांच्यासमवेत मंञालयात बैठक लावुन हा प्रश्न मार्गी लावला .त्यांनी याबाबत सतत संबंधित मंञयाकडे पाठपुरावा करीत 16 वर्षांपासून बंद असलेला एस्केप अखेर फलटण येथील संबंधित खात्याच्या अधिकाऱ्यांनी उघडला .यामुळे झिंजेवस्ती, कुसमोड, मळोली, शेंडेचिच या चार गावातील शेतकऱ्यांच्या चेहऱ्यावर हसु फुलले कारण या पाण्यामुळे चार गावातील पिण्याच्या पाण्याचा तसेच शेतीच्या पाण्याचा प्रश्न मिटणार आहे .सध्या या भागातील पिके शेवटची घटका मोजीत होती .परंतू यामुळे या चार गावातील अनेक शेतकऱ्यांची पिके वाचणार आहेत.हा एस्केप उघडताना पिलीव जिल्ह्य परिषद गटाचे सदस्य चंद्रकांत जाधव, पिलीव पंचायत समिती गणाचे सदस्य शिवराज पुकळे, सचिन पडळकर, उमेशभाऊ सरवदे, महादेव जाधव, बाळु जाधव, शशांक पाटील, शिवाजी जाधव, दादासाहेब मगर, दत्तात्रय जाधव, ज्ञानेश्वर ढेंबरे, श्रीपती जाधव, गणेश चिकणे, संभाजी ढेरे, मेजर जयशिव गलांडे, बाळासाहेब धायगुडे, माजी उपसरपंच संजय पाटील, श्यामराव गलांडे, जयंत गोरे, दामोदर लोखंडे, बाळासाहेब  बोडरे यांच्यासह झिंजेवस्ती, कुसमोड, मळोली येथील शेतकरी बांधव यावेळेस मोठ्या संखयेने उपस्थित होते .                       चौकट  _ याबाबत बोलताना पिलीव जिल्ह्य परिषद गटाचे सदस्य चंद्रकांत जाधव यांनी याबाबत मी 2025 पासुन माजी आमदार रामभाऊ सातपुते यांचयाकडे सातत्याने पाठपुरावा करीत होतो.त्यांच्यामुळेच आज हा एस्केप आज उघडला निवडणुकीत दिलेले आश्वासन आज खरे ठरविले याचा मनस्वी आनंद झाल्याचे त्यांनी यावेळेस बोलताना सांगीतले.                       चौकट _ याबाबत पिलीव पंचायत समिती गणाचे सदस्य शिवराज पुकळे यांनी गेली 16 वर्षांपासून बंद असलेला एस्केप वरिष्ठांच्या सहकार्याने उघडला यामुळे झिंजेवस्ती, कुसमोड तसेच इतर गावांना पाण्याचा फायदा होणार आहे .                                       चौकट  _ हा एस्केप उघडल्यामुळे चार गावातील पाण्याचा मोठा प्रश्न सुटणार आहे .याचा एक शेतकरी म्हणून आनंद झाला आहे ._ बाळासाहेब जाधव ( बापु) शेतकरी ,मळोली.               फोटो _ पिलीव येथील कॅनाॅलवरील एस्केप उघडताना जि प सदस्य चंद्रकांत जाधव, पंचायत समीती सदस्य शिवराज पुकळे व इतर शेतकरी वर्ग.