पंढरपूर – अधिक तथा पुरुषोत्तम मासातील कमला एकादशी निमित्त श्री विठ्ठल रुक्मिणी मंदिरा मध्ये आकर्षक फुलांची सजावट करण्यात आली. पुणे येथील श्री विठ्ठल भक्त राम जांभुळकर यांनी सेवाभावी तत्त्वावर फुलांची व पानांची भव्य सजावट केली आहे.
या सजावटीसाठी एक नाही दोन नाही तर तब्बल बावीस विविध प्रकारच्या फुलांचा व पानांचा वापर करण्यात आला आहे. मंदिरातील चौखांबी, चोळखांबी, श्री संतनामदेव पायरी, व्हीआयपी गेट तसेच इतर प्रमुख ठिकाणी सुमारे एक ते दीड टन विविध प्रकारची फुले वापरून आकर्षक सजावट करण्यात आली असल्याची माहिती व्यवस्थापक प्रविणकुमार घम यांनी दिली.
———————
चौकट :
( या फुलांचा सजवाटीसाठी केला उपयोग)
झेंडू, शेवंती, अॅस्टर, गुलाब, निशिगंधा, तगर, लक्ष्मी कमळ, तुळशी, सूर्यफूल, ऑर्किड, अँथोरियम, कार्नेशन, जिप्सो, जरबेरा, कामिनी, अशोकाची पाने, ड्रेसिना, टेबल पाम, पिंक डेझी, ब्लू डेझी, सॅगऑफ, मनीप्लांट आदी फुलांचा सजावटीसाठी उपयोग करण्यात आला आहे.
