औशात २९ लाखांचा गुटखा पकडला, तेलंगणातील दोघेजण गजाआड 

औसा – महाराष्ट्रात प्रतिबंध असलेली सुगंधीत तंबाखू व गुटखाची वाहतूक करणारा तेलंगणातील आयशर टेम्पो शनिवार दि. २५ रोजी पहाटे ४ व.१० वा. सुमारास लातूरच्या गुन्हा अन्वेषण विभागाने पकडला आहे.या प्रकरणी तेलंगणातील दोघांना पकडून त्यांच्याविरुद्ध असा पोलिसांत गुन्हा दाखल करण्यात आला आहे.   महाराष्ट्र शासनाने प्रतिबंधित केलेल्या सुगंधी तंबाखूची  विक्री करण्याच्या उद्देशाने वाहतूक करणारा टेम्पो मधील २८ लाख ९७ हजार ६० रुपये किमतीचा प्रतिबंधित तंबाखूजन्य पदार्थांचा साठा
लातूर जिल्ह्यात अवैध धंदे, प्रतिबंधित तंबाखूजन्य पदार्थांची वाहतूक, साठवणूक व विक्री करणाऱ्यांविरुद्ध पोलिसांनी कारवाईची मोहीम अधिक तीव्र केली आहे. शनिवार दि. २५ रोजी पहाटे ४.१० वा. लामजना ते तुळजापूर टी पॉईंट मार्गे आयशर टेम्पो क्र. टीएस१२ यूई ४१९० मधून सुगंधीत तंबाखू व गुटखा विक्री साठी जात होता. पोलिसांनी या वाहन चालकाने चौकशी केली असता उडवाउडवीची उत्तरे दिली. त्यामुळे पोलिसांनी या वाहनांची झडती घेतली असता टेम्पो मध्ये एस एम ५०० ग्राम सुगंधित तंबाखू ची ३५ पोती १७ लाख ४९ हजार ५००रूपये, बाबा ब्लॅक  सुगंधी तंबाखू ५पोती ४लाख १५ हजार ८६० रूपये,एम एस सुगंधित तंबाखू ची दोन पोती ९९हजार ५०० रूपये,बाबा ब्लॅक तंबाखू ५ पोती ५लाख ५५हजार ,राजरत्न किमामचे २ बॉक्स ७७हजार २००रूपये असा २८ लाख ९७ हजार ६०० रूपये व टेम्पो ११लाख ५०हजार रूपये असा ४० लाख ४७हजार६०रूपये किमतीचा माल जप्त करण्यात आला.

याप्रकरणी मोहम्मद शेरु मोहमद सलीम वय २९, रा. आट्टारी, जि. रंगारेड्डी, तेलंगणा व रहीम इस्माईल शेख वय २६, रा. अर्श महाल, किशनबाग बहादुरा, जि. हैदराबाद, तेलंगणा यांना पोलिसांनी ताब्यात घेऊन औसा पोलिसांत गुन्हा दाखल केला आहे .स्थानिक गुन्हे शाखेचे पोलीस निरीक्षक सुधाकर बावकर यांच्या मार्गदर्शनाखाली पोलीस अंमलदार संजय कांबळे, सूर्यकांत कलमे, प्रेमदास  राठोड, राजेश कंचे,तुळशीराम बरुरे, पाराजी पुठेवाड व रामदास बाचीफळे यांनी केलेल्या कार्यवाहीचे कौतुक होत आहे.