सोलापूर : येथील हरिभाई देवकरण प्रशालेच्या इयत्ता पाचवी ते सातवीतील विद्यार्थ्यांनी लातूर येथील संस्कार प्रकाशन आयोजित ज्युनिअर आयएएस स्पर्धा परीक्षेत घवघवीत यश संपादन केले. यशस्वी विद्यार्थ्यांचा प्रशालेच्या मुख्याध्यापिका स्मिता कांगुणे यांच्या हस्ते सत्कार करण्यात आला. यावेळी औदुंबर सर्वगोड, महेंद्र रणधीर, गणेश नेवरे आणि मारुती शहाणे उपस्थित होते.
या स्पर्धा परीक्षेसाठी प्रशालेतील एकूण ८३ विद्यार्थी-विद्यार्थिनी सहभागी झाले होते. त्यापैकी ९ विद्यार्थ्यांनी गुणवत्ता प्रमाणपत्रासह कांस्य (ब्राँझ) ट्रॉफी मिळवून उल्लेखनीय यश संपादन केले. या सर्व विद्यार्थ्यांना प्रशालेचे ग्रंथपाल महारुद्र कत्ते यांचे मोलाचे मार्गदर्शन लाभले.
