सोलापूर – विजापूर रोडवरील पनाश अपार्टमेंटच्या 17 व्या मजल्यावरून उडी मारून मुलतानी बेकरी व फ्लोअर मिलचे मालक सुनील मोतीलाल सदारगाने वय 59 यांनी गुरुवार दि. 5 फेब्रुवारी रोजी दुपारी चारच्या सुमारास आत्महत्या केली, याची नोंद विजापूर नाका पोलिसात झाली आहे. त्यांच्या आत्महत्येचे नेमके कारण अद्याप अस्पष्टच आहे.
सुनील सदारगाने हे चार-पाच दिवसांपूर्वी पत्नीसोबत सोलापुरात आले होते. ते सोलापुरातच स्थायिक होणार होते. राजकुमार राठी यांचे ते जावई होते. त्यांना दोन मुले असून एक मुलगा अमेरिकेत व दुसरा पुण्यात व्यवसाय करतो.
सदरांगाणी यांच्यावर शुक्रवारी सायंकाळी 5 वाजता मोदी स्मशानभूमी येथे अंत्यसंस्कार होणार आहेत. खराडी पुणे येथे राहणाऱ्या मुलास घटनेची माहिती कळविण्यात आली. रात्री उशिरा सोलापुरात ते दाखल झाले. आकस्मित मृत्यू म्हणून विजापूर नका पोलिसात नोंद झाली आहे. नातेवाईकांच्या फिर्यादीनंतर सदारंगांनी यांच्या आत्महत्ये मागील नेमके कारण समोर येईल असे पोलिसांनी सांगितले. विजापूर रोडवरील पनाश अपार्टमेंटचे 10 मजले पूर्ण झाले असून सात मजले अर्धवट स्थितीत आहेत.
गुरुवारी दुपारी साडेतीन च्या सुमारास सदारांगांनी यांनी गाडी पनाश अपार्टमेंटच्या गेटमधून आत नेली. गाडी थांबून ते अपार्टमेंटच्या शेवटच्या मजल्यावर चढले. घरातून निघताना थोडा वेळ जाऊन येतो असे पत्नीला सांगून ते घराबाहेर पडले होते. मात्र त्यांनी आत्महत्या केल्याची समजतात नातेवाईक व मित्रांनी घटनास्थळी गर्दी केली होती.
