पंढरपूर – येथील बसस्थानका वरुन महिलेच्या पस’ मधील चोरीस गेलेले सुमारे ९ लाख रुपये किंमतीचे दागिने शहर पोलीसांनी हस्तगत करून दमदार कामगिरी केली. या चोरी प्रकरणी पोलीसांनी एका महिलेस जेरबंद केले आहे.
या कारवाई बाबत पोलीसांनी दिलेली माहिती अशी की, येथील शहर पोलीस ठाण्यात गु. र. नं. १३०/२०२६ भारतीय न्याय संहिता-२०२३ चे कलम ३०३ (२) प्रमाणे दाखल गुन्हयातील फिर्यादी सुषमा दत्तात्रय पाटील( वय. ४४ वर्षे, रा. देगाव ता. पंढरपूर जि. सोलापूर) यांचे १७ मार्च २०२६ पंढरपूर बस स्थानकावर पर्समधील सोन्याचे दागिने अज्ञात चोरटयाने चोरले होते.
त्यानंतर सदर गुन्हयाचा तपास चालू असता सदर गुन्हयाचे तपासकामी पथके तयार करून पंढरपूर व सोलापूर शहरातील एकुण ६२ सी.सी.टी. व्ही फुटेज चेक करून व मोबाईल टॉवर, सी. डी.आर चे तांत्रिक विश्लेषण करून सदर गुन्हयात महिला आरोपी आयेशा युसुफ शेख (वय. ३६ वर्षे, रा. शाहजाहूर दर्गा समोर, १०६ रेहमतबी झोपडपटटी, सिध्देश्वर पेठ, सोलापूर जि. सोलापूर) हिने सदरचा गुन्हा केल्याचे निष्पन्न झाल्याने तिचा रायचूर कर्नाटक येथे जावुन शोध घेवुन तिला कर्नाटक येथुन ताब्यात घेवुन तिच्याकडे नमुद गुन्हयातील चोरीस गेलेल्या सोन्याचे दागिन्याबाबत तपास केला असता तिने नमुद गुन्हयातील सोन्याचे दागिने एक ४५ ग्रॅम वजनाचे सोन्याचे गंठन, एक १२ ग्रॅम वजनाची सोन्याची चैन असे एकुण ६ तोळे वजनाचे सोन्याचे दागिने अंदाजे ९,००,०००/- रुपये किंमतीचे तिच्याकडुन जप्त करून सदर गुन्हयातील महिला आरोपी हीस अटक करून सदरचा गुन्हा उघडकीस आणला आहे.
सदरची कामगीरी ही पोलीस अधिक्षक अतुल कुलकर्णी, अपर पोलीस अधिक्षक प्रितमकुमार यावलकर, सहा. पोलीस अधीक्षक, पंढरपूर विभाग प्रशांत डगळे, वरिष्ठ पोलीस निरीक्षक दशरथ वाघमोडे, पंढरपूर शहर पोलीस ठाणे यांचे मार्गदर्शनाखाली गुन्हे प्रकटीकरण शाखेचे पोलीस उपनिरीक्षक नितीन जगताप, श्रेणी पोलीस उपनिरीक्षक राजेश गोसावी, सपोफौ शरद कदम, पोह/३९८ सिरमा गोडसे, पोह/१७८९ सचिन हेंबाडे, पोह/१३०७ सोमनाथ पाटील, पोना/५६३ साहिल तांबोळी, पोना/५४६ कृष्णा पकाले, पोकॉ/१२१६ शहाजी मंडले, पोकॉ/१३०४ दिपक नवले, पोकॉ/१५१३ बजरंग बिचुकले, पोकॉ/१२४० हर्षद ठाकर तसेच सायबर शाखा सोलापुर ग्रामीण चे पोशि ११८२ रतन जाधव यांनी केली .
