वळसंग – ( ता. द. सोलापूर) येथील श्री शंकरलिंग माध्यमिक व उच्च माध्यमिक प्रशालेत मराठी राजभाषा गौरव दिन कार्यक्रम उत्साही वातावरणात संपन्न झाला. या कार्यक्रमाचे अध्यक्ष प्राचार्य वीरेश थळंगे तर प्रमुख पाहुणे म्हणून पर्यवेक्षक शिवानंद घोडके , सांस्कृतिक विभाग प्रमुख तानाजी जमादार, संजयकुमार धनशेट्टी, विजयालक्ष्मी थळंगे,सिदधाराम भैरामडगी, शैला निंबाळ,निलकंठ कवटगी हे उपस्थित होते.
याप्रसंगी संत ज्ञानेश्वर,राजमाता जिजाबाई, छत्रपती शिवाजी महाराज, छत्रपती संभाजी राजे, सईबाई ,राष्ट्रमाता अहिल्याबाई होळकर, ताराराणी ,क्रांतीज्योती सावित्रीबाई फुले, कल्पना चावला, किरण बेदी यांच्या वेशभूषेतील विद्यार्थी हे ह्या कार्यक्रमाचे मुख्य आकर्षण ठरले.उपस्थित सर्वांचे स्वागत कलाशिक्षक अजय माणकोजी,वैभवी जाधव व इयत्ता नववीच्या विद्यार्थिनींनी स्वागतगीताने केले .
याप्रसंगी सावित्रीबाई फुले,कविवर्य व नाटककार विष्णु वामन शिरवाडकर उर्फ कुसुमाग्रज यांच्या प्रतिमेचे पूजन उपस्थित मान्यवरांच्या हस्ते करुन थोर लेखक,कवी, साहित्यिक व संतांच्या चित्रांच्या भितीपत्रिकेचे फीत कापून सदर कार्यक्रमाचे उद्घाटन करण्यात आले.कुमारी श्वेता वळसंगे हिने प्रास्ताविक केले.
तदनंतर इयत्ता नववी अ वर्गातील विद्यार्थ्यांनी प्रमुख पाहुणे ,सर्व शिक्षक, शिक्षिका व शिक्षकेत्तर कर्मचारी यांचे लेखन साहित्य व गुलाबपुष्प देऊन सत्कार केले.याप्रसंगी काही विद्यार्थ्यांनी आपल्या भाषणातून मराठी राजभाषा गौरव दिनाचे महत्त्व सांगितले तर काही विद्यार्थ्यांनी काव्यवाचन, विनोद व मराठी गाण्यांवर नृत्य सादर करून उपस्थितांची मने जिंकली.सहभागी विद्यार्थ्यांना मान्यवरांच्या हस्ते लेखन साहित्य देऊन गौरविण्यात आले.
या कार्यक्रमाच्या यशस्वितेसाठी मराठी विभागाचे बसवराज दुधगी,गंगा बागलकोटी, अजय माणकोजी यांच्यासह सिध्दारुढ हिरेमठ,संतोष कस्तुरे,विजय प्याटी, मल्लिनाथ गौडगाव,सेवक कट्टेप्पा कोळी तसेच इयत्ता नववी अ वर्गातील विद्यार्थ्यांनी विशेष परिश्रम घेतले.सदर कार्यक्रमाचे सूत्रसंचालन कुमारी साईगंधा जमादार व कुमारी समृद्धी साळे यांनी केले तर आभारप्रदर्शन कुमारी प्राची मोटगी हिने केली.
