मुंबई : किया इंडिया या देशातील आघाडच्या मास-प्रीमियम वाहन उत्पादक कंपनीने आज आपली दुसरी मास-मार्केट इलेक्ट्रिक वेईकल सिरॉस ईव्ही लाँच केली आणि किया इंडियाची वेबसाईट (किया.कॉम) व देशभरातील डीलरशिपच्या माध्यमातून २५,००० रुपयांमध्ये या वेईकलचे प्री-बुकिंग सुरू केले. सिरॉस ईव्ही सेगमेंटमधील सर्वोत्तम ५२६ किमीच्या एआरएआय-प्रमाणित रेंजसह मालकीहक्क पॅकेजची जोड देते, जे ईव्ही स्वीकारण्यातील सर्वात सामान्य अडथळे दूर करण्यासाठी तयार केले गेले आहे, ज्यामध्ये लाइफटाइम* हाय व्होल्टेज बॅटरी वॉरंटी, अॅश्युअर्ड बायबॅक उपक्रम आणि स्थिर बॅटरी-अॅज-अ-सर्व्हिस (बीएएएस) फायनान्सिंगचा समावेश आहे.
किया इंडियाचे एमडी आणि सीईओ, श्री. ग्वांगु ली म्हणाले, “आमच्या ‘मूव्हमेंट दॅट इन्स्पायर्स’ तत्त्वज्ञानानुसार आम्ही ‘सिरॉस ईव्ही’द्वारे प्रगत आणि सुलभ इलेक्ट्रिक गतिशीलतेचा विस्तार करत आहोत. ५०० किमीचा टप्पा ओलांडणारी ही या सेगमेंटमधील पहिली गाडी असून, ती सर्वोत्तम ५२६ किमीची एआरएआय-प्रमाणित रेंज आणि १७१ पीएस पॉवर देते. ग्राहकांच्या चिंता दूर करण्यासाठी आम्ही लाईफटाईम बॅटरी वॉरंटी, अॅश्युअर्ड बायबॅक आणि ‘बीएएएस’ (BaaS) सारखे पर्याय देत आहोत, ज्यामुळे भारतीय कुटुंबांना इलेक्ट्रिक वाहने स्वीकारणे सोपे होईल.”
किया सिरॉस ईव्ही ग्राहकांसाठी इलेक्ट्रिक प्रवास अधिक सुलभ व चिंतामुक्त करण्यासाठी तीन महत्त्वाचे फायदे एकाच वेळी आणते. यामध्ये मिळणारी ‘लाईफटाईम हाय व्होल्टेज बॅटरी वॉरंटी’ बॅटरीच्या दीर्घकालीन टिकाऊपणाची हमी देऊन ग्राहकांना मनःशांती देते, तर ‘अॅश्युअर्ड बायबॅक’ उपक्रम पुनर्विक्रीच्या वेळी गाडीचे योग्य मूल्य सुरक्षित ठेवून ग्राहकांचा आत्मविश्वास वाढवतो. यासोबतच, कियाचा ‘बॅटरी-अॅज-अ-सर्व्हिस’ उपक्रम सोप्या फायनान्सिंग पर्यायांद्वारे सुरुवातीचा खरेदी खर्च लक्षणीयरीत्या कमी करतो. एकत्रितपणे हे तिन्ही ग्राहक-केंद्रित उपक्रम ईव्ही खरेदीतील मुख्य अडथळे— म्हणजेच बॅटरीचे आयुष्य, पुनर्विक्रीचे मूल्य आणि सुरुवातीचा खर्च— दूर करून इलेक्ट्रिक वाहनांचा स्वीकार करणे अधिक सोपे आणि चिंतामुक्त बनवतात.
सिरॉस ईव्ही ग्राहकांसाठी दोन दमदार बॅटरी पर्यायांसह सादर करण्यात आली आहे. यात पहिली ५१.४ केडब्ल्यूएच बॅटरी असून, ती सेगमेंटमध्ये सर्वोत्तम अशी ५२६ किमी (एआरएआय -प्रमाणित) रेंज देते, ज्यामुळे ५०० किमीचा टप्पा ओलांडणारी ही या सेगमेंटमधील पहिलीच गाडी ठरली आहे. दुसरा पर्याय ४२ केडब्ल्यूएच बॅटरीचा असून ती ४४३ किमीची रेंज देते. चार्जिंग अधिक वेगवान आणि सुलभ करण्यासाठी यात १०० केडब्ल्यू चार्जरसह अवघ्या ३९ मिनिटांत १०% ते ८०% चार्ज करणारी सेगमेंटमधील सर्वोत्तम ‘डीसी फास्ट चार्जिंग’ सुविधा दिली आहे. याशिवाय, बॅटरीचे तापमान अनुकूल करणारे ‘बॅटरी कंडिशनिंग’ वैशिष्ट्य, १०.८ केडब्ल्यू ऑनबोर्ड एसी चार्जर आणि के-चार्ज परिसंस्थेचा इंटिग्रेटेड रूट प्लॅनर या गाडीत समाविष्ट आहे.
किया सिरॉस ईव्ही ही कंपनीच्या मजबूत के१ प्लॅटफॉर्मवर आधारित असून, यात प्रगत निकेल मॅंगनीज कोबाल्ट (NMC) बॅटरी वापरण्यात आली आहे. ही बॅटरी सेगमेंटमध्ये सर्वोत्तम १७१ पीएस पॉवर जनरेट करते, ज्यामुळे ५१.४ केडब्ल्यूएच पॅकसह ही गाडी अवघ्या ८.१ सेकंदात ० ते १०० किमी/तास वेग पकडू शकते. भारतीय हवामानाचा विचार करून डिझाइन केलेल्या या गाडीत लिक्विड-कोल्ड थर्मल मॅनेजमेंट सिस्टम असलेली IP67-प्रमाणित सुरक्षित बॅटरी दिली आहे. यासोबतच, यात पॅडल शिफ्टर्स (ऑटो मोड आणि आय-पॅडलसह रिजनरेटिव्ह ब्रेकिंग), वेईकल-टू-लोड, बॅटरी हीटिंग सिस्टम, डिजिटल की, व्हर्च्युअल इंजिन साउंड सिस्टम आणि कॉलम टाईप शिफ्ट-बाय-वायर यांसारखे प्रगत ईव्ही-केंद्रित फीचर्स समाविष्ट आहेत.
सिरॉस ईव्हीची रचना कियाच्या जागतिक डिझाइन तत्त्वज्ञानावर आधारित असून, ती आकर्षक व आधुनिक एसयूव्ही लूक प्रदान करते. या गाडीच्या पुढील भागात कियाचा सिग्नेचर ‘डिजिटल टायगर फेस’, आइस क्यूब एमएफआर एलईडी हेडलाइट्स, एलईडी फॉग लॅम्प्स आणि स्टार मॅप एलईडी डीआरएल दिले आहेत, तर मागील बाजूस आकर्षक स्टार मॅप एलईडी टेल लॅम्प्स आहेत. बाह्य रचनेला अधिक प्रगत बनवण्यासाठी यात सेगमेंटमध्ये पहिल्यांदाच ऑटो स्ट्रीमलाइन डोअर हँडल्स आणि एरो इन्सर्ट्ससह १७-इंच क्रिस्टल कट अलॉय व्हील्स (१६-इंचच्या पर्यायासह) मिळतात. तसेच, ब्लॅक हाय ग्लॉसी स्किड प्लेट्स, रूफ रेल्स आणि साईड गार्निश या गाडीचा प्रगतीशील लूक पूर्ण करतात.
सिरॉस ईव्हीच्या केबिनमध्ये सेगमेंटमधील पहिला ७६.२० सेमी (३० इंच) रुंद ट्रिनिटी पॅनोरॅमिक डिस्प्ले दिला आहे. या आधुनिक डिस्प्ले पॅनेलमध्ये ३१.२४ सेमी (१२.३ इंच) चे एचडी इन्स्ट्रुमेंट क्लस्टर, ३१.२४ सेमी (१२.३ इंच) चे एचडी टचस्क्रीन नेव्हिगेशन कॉकपिट आणि १२.७ सेमी (५ इंच) चा क्लायमेट कंट्रोल इंटरफेस एकत्र समाविष्ट आहे. याशिवाय, केबिनच्या अनुभवाला अधिक प्रगत करण्यासाठी यात ९५ हून अधिक फीचर्स असलेले किया कनेक्ट २.०, ओव्हर-द-एअर सॉफ्टवेअर अपडेट्स, वायरलेस अँड्रॉइड ऑटो आणि ॲपल कारप्ले, हार्मन कार्डनची प्रीमियम ८-स्पीकर साउंड सिस्टम आणि स्मार्टफोन वायरलेस चार्जर यांसारखी आधुनिक वैशिष्ट्ये मिळतात.
सिरॉस ईव्हीमध्ये सुरक्षेसाठी लेव्हल २ एडीएएस तंत्रज्ञान देण्यात आले आहे, ज्यामध्ये सेगमेंटमधील सर्वोत्तम १६ ऑटोनामस फीचर्स समाविष्ट आहेत. यामध्ये जंक्शन-टर्निंग आणि समोरून येणाऱ्या वाहनांसह
सिरॉस ईव्हीमध्ये प्रवाशांच्या सर्वसमावेशक सुरक्षेसाठी कियाचे २५ मानक हाय-सेफ्टी फीचर्स देण्यात आले आहेत. यामध्ये ६ एअरबॅग्ज, इलेक्ट्रॉनिक स्टॅबिलिटी कंट्रोल, वेईकल स्टॅबिलिटी मॅनेजमेंट, हिल-स्टार्ट असिस्ट कंट्रोल, आणि ब्रेक असिस्ट सिस्टम समाविष्ट आहेत. याशिवाय, गाडीत हायलाईन टायर प्रेशर मॉनिटरिंग सिस्टम, आयएसओफिक्स चाईल्ड अँकरेज आणि रिअर ऑक्युपंट अलर्ट यांसारखी आधुनिक सुरक्षा वैशिष्ट्ये मिळतात. तसेच, ऑल व्हील डिस्क ब्रेक्स आणि ऑटो होल्डसह इलेक्ट्रिक पार्किंग ब्रेक प्रवाशांना प्रत्येक प्रवासादरम्यान अधिक नियंत्रण आणि मनःशांती प्रदान करतात.
सिरॉस ईव्ही ग्राहकांसाठी दोन बॅटरी पॅक पर्यायांसह एकूण सात ट्रिम्स (Trims) मध्ये उपलब्ध असेल, ज्यामुळे ग्राहकांना त्यांच्या गरजेनुसार योग्य कॉन्फिग्रेशन निवडण्याची लवचिकता मिळते. रंगांच्या बाबतीत यात ग्लेशियर व्हाईट पर्ल, फ्रॉस्ट ब्लू, ग्रॅव्हिटी ग्रे, प्युटर ऑलिव्ह, मॅग्मा रेड, आयव्हरी सिल्व्हर मॅट, आयव्हरी सिल्व्हर ग्लॉस आणि ऑरोरा ब्लॅक पर्ल या नऊ आकर्षक एक्स्टीरिअर रंगांचे पर्याय मिळतात, तर ‘एक्स-लाईन ईआर’ या ट्रिमसाठी एक्सक्लुझिव्ह मॅट ग्रॅफाइट आणि ऑरोरा ब्लॅक पर्ल हे विशेष रंग उपलब्ध आहेत. यासोबतच, गाडीच्या केबिनचा अनुभव अधिक वैयक्तिक बनवण्यासाठी ग्राहकांना क्लाउड ब्लू व ग्रे, ओनिक्स ब्लॅक व ऑफ-व्हाइट, आणि विशेष ओनिक्स ब्लॅक व हंटर ग्रीन यांसारख्या आकर्षक इंटीरिअर डिझाईन थीम्सचे पर्याय देण्यात आले आहेत.
