सोलापूर : रोटरी इंटरनॅशनल डिस्ट्रिक्ट ३१३२ अंतर्गत कार्यरत रोटरी क्लब ऑफ सोलापूर स्मार्ट सिटीचा ११वा पदग्रहण समारंभ शुक्रवार, दि. १७ जुलै २०२६ रोजी हॉटेल निसर्ग एक्झिक्युटिव्ह येथे संपन्न झाला. कार्यक्रमाच्या अध्यक्षस्थानी डिस्ट्रिक्ट गव्हर्नर रोटेरियन जयेश पटेल हे उपस्थित होते.
यावेळी व्यासपीठावर प्रमुख पाहुणे म्हणून असिस्टंट गव्हर्नर रोटेरियन वंदना कोपकर आणि मावळते अध्यक्ष रोटेरियन डॉ. अकबरसाहेब नदाफ, नूतन अध्यक्ष रोटेरियन बसवराज बिराजदार, नूतन सचिव संतोष सावळगी उपस्थित होते.
कार्यक्रमाच्या प्रारंभी मावळते अध्यक्ष रोटे. अकबरसाहेब नदाफ यांनी प्रमुख पाहुणे स्वागत केले. आपल्या प्रास्ताविकात त्यांनी रोटरी वर्ष २०२५-२६ मध्ये क्लबने राबविलेल्या विविध समाजोपयोगी सेवा प्रकल्पांचा आढावा घेतला. हे यश संपूर्ण संचालक मंडळ, सर्व रोटेरियन्स आणि सदस्यांच्या एकजुटीने व उत्कृष्ट सांघिक प्रयत्नांमुळे शक्य झाल्याचे त्यांनी नमूद केले. आगामी वर्षातही हीच सेवाभावी परंपरा अधिक प्रभावीपणे पुढे नेण्याचा विश्वास त्यांनी व्यक्त केला.
यावेळी अध्यक्ष रोटेरियन बसवराज बिराजदार यांनी रोटरी इंटरनॅशनलच्या ‘क्रिरियट लास्ट इम्पॅक्ट’ या संकल्पनेनुसार ‘व्यूहरचना, नेतृत्व आणि सहकार्य’ या त्रिसूत्रीच्या माध्यमातून समाजोपयोगी, शाश्वत व प्रभावी सेवा प्रकल्प राबविण्याचा संकल्प व्यक्त केला. शिक्षण, आरोग्य, पर्यावरण संवर्धन, युवक विकास आणि सामाजिक बांधिलकी या क्षेत्रांमध्ये विविध उपक्रम हाती घेण्यात येणार असल्याचे त्यांनी सांगितले. यावेळी प्रमुख पाहुणे म्हणून असिस्टंट गव्हर्नर रोटेरियन वंदना कोपकर यांनी कार्यक्रमाचे अध्यक्ष डिस्ट्रिक्ट गव्हर्नर रोटेरियन जयेश पटेल यांचा परिचय करून दिला.
आपल्या अध्यक्षीय मार्गदर्शन भाषणात डिस्ट्रिक्ट गव्हर्नर रोटेरियन जयेश पटेल म्हणाले की, रोटरीची मूलभूत तत्त्वे, रोटरीची कार्यसंस्कृती आणि ‘सर्व्हिस अबाव सेल्फ’ या रोटरीच्या ब्रीदवाक्याचे महत्त्व अधोरेखित केले. समाजाला काहीतरी परत देण्याची भावना प्रत्येक रोटेरियनमध्ये असावी, ‘देण्याची सवय’जोपासली तर समाजात सकारात्मक बदल घडवून आणता येतात, असे त्यांनी सांगितले. रोटरीच्या माध्यमातून शिक्षण, आरोग्य, पर्यावरण, पाणी, युवक विकास आणि सामाजिक सेवेमध्ये राबविण्यात येणाऱ्या उपक्रमांचा समाजाला मोठा लाभ होत असून प्रत्येक सदस्याने सेवाभावी वृत्तीने कार्य करून समाजावर चिरस्थायी प्रभाव निर्माण करावा, असे आवाहन त्यांनी केले. कार्यक्रमाचे सूत्रसंचालन रोटेरियन डॉ. शिवगंगा मैंदर्गी व रोटेरियन डॉ. उमाकांत जाधव यांनी केले तर सचिव संतोषकुमार सावळगी यांनी आभार मानले.
*रोटरी वर्ष 2026-27 ची कार्यकारिणी*
अध्यक्ष रोटे. बसवराज बिराजदार, सचिव रोटे. संतोषकुमार सावळगी तर रोटे. डॉ. अकरसाहेब नदाफ, रोटे. महेश साळुंके, रोटे. अनिल चंडक, रोटे. नागेश शेंडगे, रोटे, सत्यम दुधनकर, रोटे. मो. इक्बाल बागबान, रोटे. भारत कदम, रोटे. अनिल कुडते, रोटे. स्वाती मनसावाले, रोटे. डॉ. शिवगंगा मैंदगी, रोटे. सलीम जमादार, रोटे. विशाल कोंतम, रोटे. समीर नदाफ, रोटे. गणेश लिंगशेट्टी यांनी संचालकाची पीन तर रोटे. निहाल तांबोळी, रोटे. डॉ. उमाकांत जाधव, रोटे. चिदानंद पाटील, रोटे. दीपक भोगे, रोटे. साक्षी सिद्धेश्वर बरबडे, रोटे. गिरीष चव्हाण यांनी सदस्याची पीन प्रदान करण्यात आली.
