अकलूज – कला, क्रीडा, सांस्कृतिक, सामाजिक क्षेत्रात मोलाचे योगदान देणाऱ्या शंकरनगर-अकलूज येथील प्रताप क्रीडा मंडळाच्या वतीने विजयसिंह मोहिते-पाटील क्रीडा संकुल येथे रविवार दि. १८ ऑक्टोबर २०२६ रोजी बालक्रीडा स्पर्धा आयोजित केल्या होत्या.
या स्पर्धेचे उद्घाटन मंडळाच्या अध्यक्षा मा. कु. स्वरूपाराणी मोहिते-पाटील यांच्या हस्ते ध्वजारोहण, आकाशात कबुतरे सोडून व मैदान पूजनाने संपन्न झाले. तर सहकार महर्षी व श्रीमती रत्नप्रभादेवी मोहिते पाटील यांच्या प्रतिमेचे पूजन बाल खेळाडूंनी केले.
या स्पर्धेचे बक्षीस वितरण प्रताप क्रीडा मंडळाचे संस्थापक अध्यक्ष मा.श्री. जयसिंह मोहिते पाटील यांच्या हस्ते झाले. यावेळी दिपकराव खराडे पाटील, महादेव अंधारे, हर्षवर्धन खराडे पाटील, उपाध्यक्ष पोपटराव भोसले पाटील, सचिव बिबीषन जाधव, मंडळाचे सर्व आजी-माजी
संचालक, सदस्य प्रमुख उपस्थित होते. या स्पर्धेत तालुक्यातील १४ शाळांमधून सहा विविध खेळप्रकारात मुले व मुली असे एकूण १६८२ बाल खेळाडूंनी सहभाग घेतला.
स्पर्धेतील गटनिहाय प्रथम तीन विजेते पुढील प्रमाणे –
लहान गट – डोक्यावर चेंडू घेऊन पळणे (४० मी.) या गटात (मुली) अर्पिता बोरकर प्रथम, सानवी बनसोडे द्वितीय, यशस्वती खराडे पाटील तृतीय. (मुले) विवान कांबळे प्रथम, चरण शिंदे द्वितीय, शंभू चव्हाण तृतीय.
मोठा गट – धावणे (६०मी.) या गटात (मुली) संजीवनी मगर प्रथम,सान्वी होआळ द्वितीय, अनया रिसवडकर तृतीय. (मुले) कार्तिक कोडग प्रथम, शिवांश जाधव द्वितीय, तैमुर पठाण तृतीय.
इयत्ता १ ली कमरेवर हात ठेऊन उड्या मारत जाणे (४० मी.) (मुली) समायरा शेख प्रथम, स्वरा चव्हाण द्वितीय, रिया विटकर तृतीय. (मुले) मल्हार जाधव प्रथम, हर्ष बनसोडे द्वितीय, आलोक वराडे तृतीय.
इयत्ता २ री. लंगडी घालत जाणे (४०मी.) (मुली) अक्षरा गुरवे प्रथम, स्वरा शिंदे द्वितीय, शिवश्री भगत तृतीय, (मुले) निहाल गावकर प्रथम, वृषभ जाधव द्वितीय, शौर्य होवाळ तृतीय
इयत्ता ३ री. तीन पायाची शर्यत (४० मी.) (मुली) ईश्वरी कांबळे व नंदिनी यादव प्रथम, हिंदवी पेचे व रिया जानकर द्वितीय, मुक्ता माने देशमुख व आरोही चव्हाण तृतीय.
(मुले) आहान शेख व हसनैन शेख प्रथम, स्वरूप काळे व महेश शिंदे द्वितीय, कार्तिक पाटील व प्रणव भगत तृतीय
इयत्ता ४ थी.पोत्यात पाय घालून उड्या मारत जाणे (५० मी.)(मुली)
सुप्रिया गोफणे प्रथम, सिमरन कोडग द्वितीय, स्वरांगी पाटील तृतीय.
(मुले) निरंजन पवार प्रथम, रुद्राक्ष खत्री द्वितीय, अरमान तांबोळी तृतीय. या खेळाडूंनी विजेतेपद पटकावले.
स्पर्धेतील या विजेत्या प्रथम तीन खेळाडूंना अनुक्रमे तीन चाकी सायकल, कॅरम बोर्ड, स्कुल बॅग, टिफिन बॉक्स, पाणी बोटल व प्रमाणपत्र असे एकुण पाच क्रमांकास बक्षिसे देण्यात आली. सर्व सहभागी खेळाडूंना खाऊ वाटप करण्यात आले. या वेळी स्पर्धाप्रमुख शिवाजी पारसे, भानुदास आसबे, संजय राऊत, अर्जुन बनसोडे, गणेश करडे सर्व पंच, क्रीडा शिक्षक, पालक, बहुसंख्येने उपस्थित होते. सूत्रसंचलन आनंत कोळी,पोपट पवार यांनी केले आभार भानुदास आसबे यांनी मानले. सर्व समितीतील सदस्यांच्या अचूक नियोजनमुळे स्पर्धा यशस्वीपणे संपन्न झाली.ध्वजावतरण करून स्पर्धेचा समारोप झाला.
लहान मुलांचे हे उपक्रम छोटे असले तरीही या स्पर्धेतून विद्यार्थ्यांचा आत्मविश्वास वाढेल व भविष्यात यातूनच मोठे खेळाडू निर्माण होतील.
*मा. श्री.जयसिंह मोहिते पाटील. (संस्थापक अध्यक्ष, प्रताप क्रीडा मंडळ,शंकरनगर ).
