मंद्रूप – मंद्रूपसह परिसरात शेतीशी आणि मातीशी असलेले नाते जपणारा पारंपरिक कारहुणवी सण उत्साहात साजरा करण्यात आला. वर्षभर शेतात कष्ट करणाऱ्या बैलजोडीप्रती कृतज्ञता व्यक्त करण्यासाठी शेतकऱ्यांनी बैलांचे पूजन करून पारंपरिक पद्धतीने सण साजरा केला.
कारहुणवीनिमित्त बैलांना अंघोळ घालून त्यांना आकर्षक झुल, रंगीत दोरे व टिपऱ्यांनी सजविण्यात आले. शिंगांना रंग देऊन बैलजोडीची मिरवणूक काढण्यात आली. यावेळी गोमातेचेही पूजन करण्यात आले. शेतकरी कुटुंबांनी बैलांना पुरणपोळीचा नैवेद्य दाखवत पंचारतीने ओवाळून त्यांच्या सेवेबद्दल कृतज्ञता व्यक्त केली.
मंद्रूप येथील मेंडगुदले वस्तीवर धुंडाप्पा मेंडगुदले यांच्या हस्ते बैलजोडीचे पूजन करण्यात आले. यावेळी बसप्पा मेंडगुदले, संजय मेंडगुदले, उमेश मेंडगुदले, एकानंद मेंडगुदले, नागेश मेंडगुदले तसेच मेंडगुदले कुटुंबातील सदस्य उपस्थित होते.
