अकलूज – मेडिकल असोसिएशनचे मतदान सुरू असताना तू मतदारांशी बोलू नकोस असे म्हणून वाद उकरून काढत संगनमत करून लोखंडी पाईप व लाकडी काठीने मारहाण करून गंभीर जखमी केल्याची घटना घडली आहे. ही घटना २३ ऑगस्ट २०२६ रोजी सकाळी १०:०० ते सायंकाळी ६:३० वाजण्याच्या दरम्यान धवल नगर, यशवंत नगर, अकलुज (ता. माळशिरस) येथील सौरभ हॉलसमोरील बायपास रोडवर घडली.
या प्रकरणी ज्ञानेश्वर हनुमंत सपकाळ (वय २७, रा. धवल नगर, यशवंत नगर, अकलुज, ता. माळशिरस) यांनी दिलेल्या फिर्यादीवरून अकलुज पोलीस ठाण्यात ४ जणांविरुद्ध गुन्हा नोंदवण्यात आला आहे.मिळालेल्या माहितीनुसार, मेडिकल असोसिएशनच्या मतदानादरम्यान आरोपींनी फिर्यादी ज्ञानेश्वर सपकाळ यांना तू मतदारांशी बोलू नकोस असे म्हणून वाद घातला. त्यानंतर निवडणुकीचा निकाल लागल्यानंतर आरोपी १) रणजीत महाडिक (वय ३५, रा. अकलुज)२) योगेश गांधी (वय ३०, रा. अकलुज), ३) आप्पासाहेब शेंबेडे (वय ४५, रा. नातेपुते) आणि ४) अशपाक मुलानी (वय ३२, रा. वेळापूर, सर्व ता. माळशिरस) या चौघांनी संगनमत करून लोखंडी पाईपने व लाकडी काठीने मारहाण करून सपकाळ यांना जखमी केले. तसेच हे भांडण सोडवण्यासाठी आलेले सागर जगदाळे व समीर शेख यांनाही आरोपींनी मारहाण केली. या गोंधळात फिर्यादीच्या गळ्यातील सोन्याची साखळी (चैन) पडून गहाळ झाली आहे. याप्रकरणी अकलुज पोलिसांनी चौघांविरुद्ध गुन्हा दाखल केला असून पुढील तपास पोलीस हवालदार विनोद प्रकाश चव्हाण करत आहेत.
• अकलुजमध्ये मतदानाच्या वादातून मारहाण
अकलुज येथील सौरभ हॉलसमोर मेडिकल असोसिएशनच्या निवडणुकीत मतदारांशी बोलण्यावरून झालेल्या वादातून रणजीत महाडिक, योगेश गांधी, आप्पासाहेब शेंबेडे व अशपाक मुलानी या चौघांनी ज्ञानेश्वर सपकाळ यांना लोखंडी पाईप व काठीने मारहाण केली. भांडण सोडवणाऱ्या दोघांनाही मारहाण झाली असून या गोंधळात सोन्याची साखळी गहाळ झाली आहे. अकलुज पोलिसांत गुन्हा दाखल झाला असून पोहेकॉ विनोद चव्हाण तपास करत आहेत.
