पंढरपूर – राज्य शासनाने शेतकऱ्यांना दोन लाख रुपये कर्जमाफी करताना नियम व अटीघातल्या आहेत. या जाचक नियमअटींमुळे अनेक शेतकऱ्यांना याचा लाभ मिळणार नाही. त्यामुळे सरसकट शेतकऱ्यांना कर्जमाफीचा लाभ मिळावा. या मागणीसाठी आमदार रोहितपवार यांनी पंढरपुरात १२ जून पासून अन्नत्याग आंदोलन करण्याचा निर्णय घेतला आहे. मात्रअधिक महिना सुरु असल्यामुळे भाविकांना त्रास होईल म्हणून प्रशासनानेआंदोलनास परवानगी दिलेली नाही. दुसरीकडे आमदार रोहित पवार नौटंकी करीत आहेत असा आरोप जिल्ह्याचे पालकमंत्री जयकुमार गोरे यांनी केला.
विधानसभा निवडणुकीच्या अगोदर महायुती शासनाने पुन्हा सत्तेवर येण्यासाठी मुख्यमंत्री माझी लाडकी बहीण व शेतकऱ्यांना कर्जमाफी करण्याचे आश्वासन दिले होते. यामुळे लाडकी बहीण व शेतकऱ्यांनी भरभरून मतदान केल्याने पुन्हा सत्तेवर महायुती आली ; मात्र गेल्या दोन वर्षापासून शेतकऱ्यांना कर्जमाफी करण्याकडे शासन दुर्लक्ष करत आहे. यामुळे शेतकऱ्यांतून तीव्र संताप व्यक्त करण्यात आला. याची दखल घेऊन मुख्यमंत्री देवेंद्र फडवणीस यांनी शेतकऱ्यांना लवकरच कर्जमाफी करण्यात येईल, अशी घोषणा केली आहे.
दरम्यान शेतकऱ्यांना दोन लाख रुपयां पर्यंत कर्जमाफी करण्यात येणार आहे. मात्र यासाठी नियम व अटी घालण्यात आल्या आहेत. या जाचक नियम अटींमुळे अनेक शेतकऱ्यांना कर्जमाफीचा लाभ मिळणार नाही. त्यामुळे राष्ट्रवादी काँग्रेस शरद पवार गटाचे आमदार रोहित पवारयांनी शासनाने सर्वच शेतकऱ्यांना सरसकट कर्जमाफी करावी, या मागणीसाठीआंदोलन करण्याचा निर्णय घेतला आहे. त्यासाठी आमदार पवार यांच्याकडून पंढरपूर येथे १२ जून रोजी अन्नत्याग आंदोलन करण्यात येणारआहेत. मात्र या आंदोलनास प्रशासनाने परवानगी नाकारली आहे. सध्या अधिक महिनाअसल्यामुळे पंढरपुरात येणाऱ्या भाविकांची संख्या वाढली आहे. याचा त्रास भाविकांना होऊ नये, याची दक्षता प्रशासनाने घेतली आहे.
—————–
चौकट :(आंदोलनाची जय्यत तयारी सुरु )
अधिक महिना असल्यामुळे भाविकांना त्रास होवू नये तसेच जिल्ह्यात विधानपरिषदेची निवडणूक आचारसंहिता असल्यामुळे आंदोलनास परवानगी देता येत नाही असे प्रशासनाकडून सांगण्यात आलेले आहे. तरी देखील आमदार रोहित पवारआणि त्यांच्या राष्ट्रवादीचे पदाधिकारी आणि कार्यकर्ते हे आंदोलनावर ठाम आहेत.येथील छत्रपती शिवाजी महाराज चौकातील शिवतिर्थावर भव्य व्यासपीठ उभारण्याचे कामसुरु आहे. सकाळ पासून या भव्य व्यासपीठ उभारणीच्या कामाला सुरुवात झालेली आहे. येथीलस्थानिक राष्ट्रवादी काँग्रेसचे पदाधिकारी या व्यासपीठ उभारणीच्या कामावर जातीनेलक्ष देवून उभे असल्याचे चित्र येथे पहावयास मिळत आहे.
———————-
चौकट : ( नामदेव पायरीचे दर्शन, नगरप्रदक्षिणा करणार )
आमदार रोहित पवार शुक्रवारी
(ता.१२) येथे सरसकटकर्जमाफीसाठी अन्नत्याग आंदोलन करणार आहेत. त्यासाठी प्रशासनाकडून त्यांना परवानगी नाकारण्यात आलेली आहे. तरी देखील आमदार पवार आंदोलनावर ठाम आहेत. शुक्रवारी येथील विठ्ठल मंदिराच्या नामदेव पायरीचे ते दर्शन घेणार आहेत. त्यानंतर शहरातीलनगरप्रदक्षिणा मार्गावरुन ते नगरप्रदक्षिणा करुन छत्रपती शिवाजी महाराज चौकातील शिवतिर्थ येथे त्यांचे अन्नत्याग आंदोलनास सुरुवात करणार आहेत.
(ता.१२) येथे सरसकटकर्जमाफीसाठी अन्नत्याग आंदोलन करणार आहेत. त्यासाठी प्रशासनाकडून त्यांना परवानगी नाकारण्यात आलेली आहे. तरी देखील आमदार पवार आंदोलनावर ठाम आहेत. शुक्रवारी येथील विठ्ठल मंदिराच्या नामदेव पायरीचे ते दर्शन घेणार आहेत. त्यानंतर शहरातीलनगरप्रदक्षिणा मार्गावरुन ते नगरप्रदक्षिणा करुन छत्रपती शिवाजी महाराज चौकातील शिवतिर्थ येथे त्यांचे अन्नत्याग आंदोलनास सुरुवात करणार आहेत.
